||مهرجان كووورة مصرية () ايس كريم في رمضان الحلقة 4 .. رامي المشد مراسل قناة الأهلي ||

بسم الله الرحمن الرحيم
و الصلاه و السلام علي أشرف المرسلين
أهلا بكم في مهرجان كووورة مصرية فقرة الايس كريم
الأيس كريم هي فقرة متنوعة ( ملخبطة)
حوارات مع اعضاء و مشرفيين و رياضيين و أعلاميين
رياضضة و مطبخ و مسابقات
( الحلقة 4)


في البداية حوار مع المراسل المتألق لقناه الأهلي رامي المشد

1-عرف أعضاء المنتدي بنفسك ؟

انا رامى هاشم المشد مواليد محافظة المنوفية شبين الكوم حاصل على ليسانس اداب وتربية قسم اللغة الانجليزية وكنت لاعب كرة قدم سابق فى العديد من الاندية منها نادى الجيش واسمنت اسيوط ومالية كفر الزيات وسموحة وناشئ جمهورية شبين وكابتن ناديها لمدة 15 سنة ولما حسيت انى هالعب بقى فى اندية متواضعة فضلت انى انتقل لمجال تانى بحبة من صغرى وكنت دايما متميز فيه اثناء دراستى وهو المجال الاعلامى
أزاي وصلت لقناه الأهلي كمراسل و بقيت رقم 1 تقريبا ؟
أما قصتى مع قناة الاهلى فطويلة شوية . انا بدات عملى الاعلامى كمراسل فى قناة مودرن سبورت لبرنامج ستاد بلدنا للاعلامى معتز مطر من غير واسطة ولا اى حاجة انا فكرة البرنامج كانت عجبانى وخاصة انى لعبت كل حياتى فى الممتاز ب وفى كل المجموعات واعرف معظم اللاعبين والمدربين فيها واكن عندى افكار كتيرة لتطوير البرنامج فكلمته ومن اول مكالمة حس ان عندى حاجة ورحت مودرن سبورت وقضيت سنتين من اجمل ايام حياتى وبعد اقل من شهر استعان بيا مدحت شلبى فى ستاد مصر وعلاء صادق فى هنا القاهرة وكلم مع حفظ الالقاب المهم كان كمان اجادتى للغة الانجليزية ساعدنى ان ى اكون فى مكانة كويسه حتى حصلت مشكلة بينى وبين اد الاعلاميين فى القناة ففضلت اسيب مودرن وبعد كدة جالى عرض من قتناة الاهلى فى اول مابدات لكن القناة وقتها ماكانتش بالتميز دا واشتغلت فيها لمدة شهر بس قبل مايجيلى عرض للعمل فى قناة راديو وتلفزيون العرب art وكانت فرصة كويسة اوى ليا علشان اشارك فى نقل كاس العالم ولما باعت art حقوقها للجزيرة انتقلت للعمل مع الاستاذ ابراهيم حجازى واللى مااشتغلتش معاه او ماستحملتش اكتر من شهر فى برنامج دايرة الضوء ولما مسك اسامة الرشيدى مدير البرامج لقناة الاهلى ودا كان نفس منصبة فى ال شقف وانا عارف شغله كويس كلمنى ان اروح قناة الاهلى وان الامور هتتغير وافقت انى اكون مع كل حبايبى فى القناة من تانى والحمد لله بس مافيش قصة رقم واحد دى ولا حاجة كلنا فى القناة زى بعض وبنجتهد لاسعاد الاهلاوية
نقدر نعرف ليه مستحملت العمل مع كابت ابراهيم حجازي ؟

عارف والله انك هتسالنى السؤال ده. بص استاذ ابراهيم صحفى كبير جدا ماحدش يقدر يتكلم واول ماشتغل برنامجه ماكانش عنده تفارير واللى كانوا عمليلوا برنامجة استاذ سمير يوسف رئيس قناة النهار الحالى واكن رئيسى فى مودرن ويعرف امكانياتى كويس فاهو كان محتاج يعمل تقارير مختلفة فرشحونى ليه وقعدت معاه وعرضتلو افكارى واشكال التقارير بس مشكلته ان برنامجه كان زى المقال اللى بيكتبوه مليان كلام وبقى كل التقارير ليه تعليقات فنية عليها وماكانش بيعرضها رغم انها كانت ممكن تكسر الدنيا ومنها على سبيل المثال كلام حسن شحاتة قبل 2010 انه مش عايز غير قناة واحدة معاه فى غانا ومراسل واحد هو كريم حسن شحاتة فكان بيرفض الحاجات دى وكمان هو مش فنى لانه عمره ماشتغل فى ميديا وكان عايز تقاريره كلها بعيدة عن الرياضة زى مثلا تصوير الزرافة اللى مش موجودة فى جنينة الحيوانات مش عارف ازاى ومقلب زبالة مدينة نصر وافراح الدائرى والناس بتوع الحمص وانا مش عارف كل دا ليه ففضلت احترم نفسى وامى حتى فبلوسى هناك لسة ماخدتهاش هههههه
أية رأيك في قناه الأهلي ؟

والله القناة فى تقدم مستمر لكن ممكن يكون ناقصها برامج للجمهور الاهلاوى يتكلم فيها بكل حرية وكمان برامج وثائقية تتكلم عن تاريخ النادى وده هيحصل ان شاء الله
أية رأيك في الكابتن محمود بكر خصوصا ان كان في حملات لرحيلة عن القناه ؟

هو انسان طيب جدا وطبعا فنيا ماقدرش اقول عليه نص كلمة لكن الكابتن بكر ممكن يكون مزعل بعض الاهلاوية شوية لكن ماحدش يقدر ينكر انه كان واحد من الاسباب المهمة اللى زودت نسبة المشاهدة للقناه
اية رأ الاتحاد المصري لكرة القدم ؟

اتحاد على مستوى البطولات متميز على مستو الادارة فاشل
كلمة اخيرة لجماهير الكرة في مصر

اولا بقول لكل الجماهير كل سنة وانتو طيبين ورمضان كريم وبشكر كل الاولتراس فى مصر وخاصة الاولتراس الاهلاوى وبقولهم انكوا عاملين شكل جميل للدورى المصرى ورجعتوا الحياة لملاعبنا وبقول للناس اللى بتهاجمهم حاولو تدوروا على ايجابيتهم هتخلوهم مايعملوش حاجة سلبية لكن مهاجمتهم عملا على بطال مش فى صالح الكرة المصرية ودى فكرة برنامج ان شاء الله بعرضها فى القناة ولو وافقوا عليها نبتدى بيها الموسم مع كل الاهلاوية وشكرا ليكوا


تاريخ رياضي
نادي الزمالك هو نادي مصري أنشيء في بداية العقد الثاني من القرن العشرين (5 يناير 1911) تحت اسم نادي قصر النيل لأنه كان يشغل مكان (كازينو النهر) الحالي بالجزيرة وكان الغرض في مكانه هذا هو ان يكون مقابلا للنادي الأهلي المصري وكان جورج مرزباخ رئيس النادي ورئيس المحاكم المختلطة في مصر آنذاك قد حلم وتخيل بأن هذين الناديين يوما سيكونا أهم ناديين على مستوى القارة الأفريقية والعالم العربي.[بحاجة لمصدر] وفي عام 1913 انتقل النادي إلى مقر ثاني عند تقاطع شارع 26 يوليو ورمسيس الحاليين في مكان مباني (الشهر العقاري ودار القضاء العالى) وتغير اسمه إلى المختلط نسبة إلى المحاكم المختلطة والتي كان أحد أفرادها "سعد زغلول" رائد الحركة الوطنية المصرية. ثم تغير اسمه مرة أخرى إلى نادي فاروق وكان ذلك في عام 1942عندما حضر ملك مصر (فاروق) مباراة نهائي كأس مصر التاريخية بين الزمالك والأهلي المصري وفاز الزمالك فيها على الأهلي 6-0 مما جعله يطلب من (حيدر باشا) وزير الحربية، ورئيس النادي وقتها أن يغير اسم النادي إلى (نادي فاروق) وتولي إسماعيل بك شيرين من أسرة محمد علي منصب نائب رئيس النادي. ومع ثورة 23 يوليو 1952 تغير الاسم مرة ثالثة إلى اسمه النهائي, وهو نادي الزمالك وانتقل لمنطقة ميت عقبة بالمهندسين، على شارع جامعة الدول العربية، كما يقع نادي الترسانة بمواجهة نادي الزمالك بنفس المنطقة.




أضحك حتي لو قديمة
المواطن المصري بيمارس الرياضة طوال الوقت،
.
.
.
.
.
.
.
.
.

بيلعب قفز الحواجز ... عند التشليف من المدرسة

يمارس تمارين التنفس ... علي سلالم في اي دائرة حكومية،

بيمارس الركض ... خلف المواصلات العامة

و بيشارك طوال الوقت فى ماراثون ... أكل العيش

و بيمارس رياضة المصارعة من أجل الحصول على أبسط حقوقه كمواطن،

و بيلعب الباليه المائى عندما ........تطفح المجارى فى الشارع


العلم نور

طريقة عمل الزبيب في البيت
عنب بناتى ( اللى هو بدون بذر للى متعرفش كلمة بناتى ) متماسك الحبة ولونه اصفر حتى يكون الزبيب ذهبى و ليس بنى

اغسليه بدون ما تفرطيه اى يظل بعناقيده

اغلى كمية من الماء و ضعى فيها عصير ليمون أو كمية قليلة جدا من البوتاس ( هيدروكسيد بوتاسيوم ) أو كمية قليلة جدا من بنزوات الصوديوم أو كمية قليلة من الكربوناتو ( بيكربونات الصوديوم ) ثم ضعى فى الماء المغلى هذا عناقيد العنب و اغمريها فى الماء لمدة دقيقتين او ثلاث فقط ثم انشليها من الماء بحذر حتى لا تتفرط
لو عندك المصفى الشبكة اللى بتحطي فيها البطاطس علشان تقليها فى الزيت ( اللى بتشيلى بيها البطاطس المقلية يعنى ) ضعى فيها العنب ثم ضعيها لمدة دقيقة فى الماء المغلى و شليها و هذه المصفة علشان تضمنى عدم تفريط العنب و لو اتفرط شئ مش مشكلة


ثم ضع العناقيد فى الشمس لمدة اسبوع او كام يوم حسب درجة الجو مع التقليب المستمر للعناقيد حتى تحصلى على الزبيب ثم فرطيه من العناقيد وضعيه فى كيس فى الثلاجة للإستعمال و بالهنا و الشفا


مواقف رياضية مضحكة


أنتظرونا في الحلقة القادمة