بيني وبينك ياحبيبي مسافات
سقت الخطاوي بين روحه وجيه
رحال انا وانته مدينة متاهات
عابرسبيل ومقصدي ظل فيه
يموت حب وحب للموت ما مات
ينبض هنا مدري هنا او هنيه
ياليتني عندك على بعد خطوات
تشوف عينك لوعة الحب فيه
تسمع صدى صوتي ترانيم ونات
تعزف وتر قبلك حياتي خليه
قبلك يمر الحب مره ومرات
شوية عبث مع شيطنه مع اذيه
ام انت غير لياطرى الوقت ميلات
شفتك مثل ثورة براكين حيه
يلي عيونك خلقت الله وسيعات
لاسلهمت قامت تراقف يديه
قمت اتلعثم بالحكي بين كلمات
حفظتها ونسيتها في شويه
صوتك يجيني ذبذبه عبر موجات
ياحروف منه انتي حروف ابجديه
يحكي وكن الحكي مع حكيه سكات
هوه كذا ولا يتدلع عليه
ياهيه يافتان هيهات هيهات
القى وصيفك فالملايين ميه
دايم تجيني كلما سيرتك جات
في خاطري وصيت عيني وصيه
ياعين لاتبكين للوقت فزعات
بكره يجي من دون ذنب وخطيه
ابكي حسافة عمر عدى كذا فات
اصفق بديني فوق راحة يديه
الشاعر:فارس الأحلام .... تحياتي
موضوع: قصيدة عابر سبيل