قصيدة اغراب

كنت احسبك حبي وغاية مرادي
بنيتلك قصرٍ وصل حد الاعجاب

طرقت باب الصدر والجو هادي
مابطيت واقف وانت تطرق على الباب

فتحت لك قلبي وفرَغت زادي
بماعونك اللي ماعرف قدر الاحباب

الجرح من غيرك ترى شي عادي
لكن جرحك يتلف عقول واعصاب

طاح الامل من فوق صهوة جوادي
ذبلت خيوطه من ورى لوم وعتاب

والكون حولي صار لونه رمادي
ماعدت اشوفه مثل ماكان جذاب

سكينك اللي ماتعدت فوادي
من قوها سيَل دمى شفتي ناب

شفني على همك لبست السوادي
في داخلي ماهي على جسمي ثياب

قبلك تمر جروح وتروح غادي
هذي مواريها على رف دولاب

صحيت من اقصاي ثورة عنادي
ماهمني عذرك ولا قلت كذاب

ماني مدورلك عذر وانت بادي
لو كان شوقي يمك طيوره اسراب

بكره بتبكيني وتبكي بعادي
وتطرق وراي ابواب وابواب وابواب

وان بح صوتك من كثر ماتنادي
طاب لك نومك من بعد حبنا غاب

اقرى على قبري ترى شي عادي
عشنا الهوى اغراب ونموت اغراب

الشاعر:فارس الأحلام .... تحياتي

شكراًً

مشكور\ه