قصيدة اشواقي ولهفة حنيني

لا تحسبيني يوم عودت باغيك
ولا تحسبيني جيت اقول اذكريني
ما جيت لك يا الجافيه طامع فيك
جيت اخذ اشواقي ولهفة حنيني
ما جيت ادور عندك الحب واعطيك
ولا جيت لك قلت الطفي وارحميني
انتي قبل عامين جيتي برجليك
وقلتي بحضن العشق مد اليديني
مديت لك كف وفي ما يخليك
كف الشجاع اللي يمد السميني
حفظت حبك يوم انا مغرم فيك
ومشيت لعيونك عنا يا ضنيني
يفز قلبي كل ما حل طاريك
واقول حافظ ودها في كنيني
واليوم باسباب الخطاء ضاع مغليك
وضاع الغرام وضاع حلم السنيني
لا صار عينك باالهواء ما تقديك
هذا قراري وابعدي واتركيني
بعتك ولاني بعد ها اليوم شاريك
حل الفراق وراح ماضي حنيني
وان كان نبع الحب يا بنت خافيك
درب الوفاء نبع الغلاء صدقيني
خلاص مات الحب والله يجازيك
بفعالك الغبراء ولا يبتليني
يعني ما اجيت اطلب وصالك و اراضيك
جيت اخذ اشواقي ولهفة حنيني

الشاعر فارس الأحلام ... تحياتي

شكراً

مشكوررر