دروب الحلم

كل ما أقترب منك ابتعد عنك أكثر
أطوي دروب الحلم وأثري مكاني

أجيكـ أنا مشتاق وبكل ما أقدر
وأصد أنا لاشفت خصمي زماني

مالي دوا بالحال مهما أتحسر
ولا لي أمل واليأس بعثر أماني

محدن درى كم شلت من هم وأصبر
ولاحدن درى بالوقت يومه بلاني

محدن علم بالقلب طعنات خنجر
ولاحدن علم بالصدر جمرٍ كواني

محدن فهمني يوم الأحزان تكبر
ولاحدن قراني والملامح معاني

محدن سألني ليه في ليلي أسهر
ولاحدن سأل وش صار فيني وجاني

محدن شعر بالحال والحظ الأقشر
ولاحدن شعر بالجرح مهما أعاني

وكل مابتعد عن هم يقرب لي أكثر
صارت هموم الكون قسمة زماني

صح لسانك

مشكورر

يسلموو مديرنا وصحـــ ّ! لاســـ__انك

صح بدنك يالغالي